BACOLOD CITY – Patay ang isa ka iloy matapos gintiro sang kapin 4 ka beses sa atubang mismo sang iya duha ka mga kabataan may mg alas 6:15 kagab-i sa Lopez Jaena Street, Brgy. 31, Bacolod City.
Ang biktima nakilal akay Irene Chicano, 32 anyos ang edad, may 4 ka mga kabataan kag residente sang Purok Islamic, Brgy. 31, ciudad sang Bacolod.
Suno sa statement sang witness nga isa ka driver sang e-bike nga nakilala kay Jun-jun Narciso, 32 anyos ang Brgy. 31 nga samtang nagasakay sa e-bike ang biktima upod ang iya duha ka mga kabataan nga naga-edad 8 kag 2 ka tuig, ini siya ang ginpalapitan sang suspek nga nagpanaog naman halin sa isa ka salakyan kag hinali na lamang nga gintiro.
Nag-angkon sang 3 ka pilas ang biktima sa iya idalum nga likod, wala nga abaga kag sa idalum nga bahin sang iya ulo.
Samtang, nasalabat man ang isa sa bata sang biktima nga naigo sa idalum sang iya tuo nga dalunggan apang sa ulihi nakaguwa naman sa ospital.
Gindala pa sa Corazon Locsin Montelibano Memorial Regional Hospital ang biktima apang ini siya ang napatay matapos ang halos isa ka oras.
Sa karon ginatipon pa sang mga katapo sang Police Station 6 ang tanan nga statement sang witness agud matumod ang motibo sang krimen apang sa inisyal nga imbestigasyon nga posibli lansihanay sa druga ang ginhalinan bangod ang ikaduha nga bana sini ang napriso man bangod sa druga.
Si Irene ang bulag sa una nga bana apang may bata sila nga tatlo ka bilog, kag subong may bag-o nga ginapuyo apang napriso man.
Sa amu nga adlaw nangayo ini sang pagkaon sa iya iloy sa Barangay 40, antis sila magalagaw kon tani sa Masskara upod ang iya duha ka mga magagmay nga kabataan.
Samtang, nagapanawagan naman ang iloy sang biktima nga si Alecia Teruel sa suspek paagi sa dyHB nga magsungka na agud mahatagan hustisya ang kamatayon sang iya bata nga nagbilin sang apat ka mga kabataan nga wala naman sang magasagod nga ginikanan./dyHB BACOLOD
