[UPDATE] –Nakilala na ang iloy sang fetus nga nasapwan nga nagalutaw sa suba sang Brgy. Agsalanan, Dingle, Iloilo, Miyerkules sang aga, Hulyo 19.
Base sa pagpangusisa sang kapulisan, ginapatihan nga may diperensya sa panghuna-huna ang 39 anyos nga iloy.
Suno kay PS/INSP Samuel Vepenosa, Hepe sang Dingle PNP, ginsaysay kag gin-ako sang iloy ang iya ginhimo sa kaugalingon nga anak apang nagalain-lain ang iya panaysayon.
Nahibaluan nga may duha na ka anak ang 39 anyos nga iloy kag ikatatlo na kuntani ang fetus kag lain-lain man ang amay sang mga ini.
Ang kamagulangan nga anak ang nagapanu-igon sang 12 anyos samtang ang ikaduha, 5 anyos kag gintuyo man sang una nga i-flush sa basin sang iloy.
Sa pagpangusisa sang kapulisan, ginpahog ang babaye sang iya amay nga indi na dapat masundan ang iya duha ka anak gani posible nga ini ang nagtulod sa iya nga ibilin ang fetus sa irigasyon malapit sa ila balay.
