Gihulat karon ni Misamis Oriental Governor Yevgeny Emano ang resulta sa imbestigasyon sa Department of Environment and Natural Resources kabahin sa basurang miabot sa pantalan sa Tagoloan gikan sa nasud sa Korea.
Dungan niini, nanganti ang gobernador nga manubag ug masilotan ang si kinsa mang nalambigit sa paglabay sa maong mga basura.
Gani, niadtong Nobyembre 15, gisugdan na sa Sangguniang Panlalawigan ang pag-imbestiga human madiskobrehan sa Bureau of Customs ang container van nga puno sa plastic nga basura sulod sa Mindanao International Container Terminal.
Gikabutyag nga rason sa pag-abot sa mga plastic dinhi sa lalawigan mao ang pag-recycle niini ngadto sa laing produkto.
Sa iyang bahin, dili matud pa balido ang maong rason tungod kay bisan dinhi sa Cagayan de Oro ug Misamis Oriental, maglisod pa sa pagpangolekta sa basura aron i-recycle.
