*General Santos City— Gimanduan na ni Police BGen. Alfred Corpus, Regional Director sa Police Regional Office 12 ang kapulisan nga ipatuman ang full alert status human ang sunod-sunod nga pagbusikad sa Cotabato City, Upi, Maguindanao ug Libungan, North Cotabato.*
*Sumala kang Police Lt. Col lino Capellan, tigpamaba sa PRO12 nga subay sa direktiba ni BGen. Corpus, kinahanglang pakusgan ang pagbantay sa mga lugar pasulod ug gawas sa rehiyon.*
*Dugang pamahayag ni PLTC Capellan nga sa karon padayon pa ang ginahimong imbestigasyon sa kapulisan sa motibo sa pagpamomba sa Libungan, North Cotabato kung asa adunay pito nga nataalng samdan.*
*Lakip matud pa sa ginasuta karon sa otoridad kung si kinsa o unsa nga grupo ang nagpaluyo sa maong pagpamomba apan ilahang ginakonsidera nga posibleng ang grupo sa teroristang Bangsamoto Islamic Freedom Fighters kon BIFF ang usa sa mga responsable niini.*
*Pagpaklaro ni PLTC Capellan nga nagpabiling kontrolado sa kapulisan ug militar ang sitwasyon sa tibuok rehiyon ug walay angayang kabalak-an ang publiko.*
*Saysay nga kanunay nga andam ang kapulisan uban ang managlahing force multipliers aron sa pagbantay sa siguridad ug masiguro nga dil ina mausban pa ang maong insidente.*
