Imbestigasyon sa pagpalagyo sang duha ka mga preso sang Provincial Jail magaarangkada na.

Magaarangkada na ang imbestigasyon sang fact finding angot sa natabo nga pagpalagyo sang duha ka mga preso sang South Cotabato Provincial Jail nga sanday Oting Mando kag Andy Evangelista nga napatay sa operasyon sang kapolisan sa Tacurong City sa tion nga makapaggwa na sang show cause order si Governor Daisy Avance Fuentes.
Suno kay Provincial Human Resource Management Officer Alex Basco sa tion nga mag-arangkada na ang imbestigasyon depensahan sang mga imbolbado nga jailguards ang ila nga kaugalingon sa nangin lapses sa pagpalagyo sang duha ka mga preso.
Gross negligence naman ang posible atubangon nga kaso administratibo sang mga jailguards nga imbolbado sa pag-eskapo sang nasambit nga mga preso.
Ini matapos nga ang nauna nga mando ni Governor Fuentes sa pamunuan sang provincial jail nga magtutok sa recovery sa duha ka mga preso, buhi man ukon patay bag-o umpisahan ang imbestigasyon.