By: Joanna Ricote
Dismayado ang mga sakop sa media dinhi sa Cagayan de Oro, human nga wala gipasulod sa usa ka pribadong hospital kung asa na admit ang mga samarang pulis nga gisulong sa mga sakop sa New People’s Army o NPA niadtong December 3, 2017.
Alas 9 ang takna sa buntag kaganina, dihang nagpadangat sa imbitasyon ang Police Regional Office 10 pina-agi ni Police Supt. Lemuel Gonda, nga nag imbitaha sa tanang sakop sa media, aron saksihan ang pag bisita ni Police Chief Supt. Timoteo Pacleb, ang Regional Director sa Police Regional Office 10, ngadto sa mga samarang pulis nga na confine sa Capitol University Medical University dihang gisulong sa mga NPA ang Binuangan Police Station, kung asa samaran silang SPO1 Ramonito Zambas, PO3 Alberto Barnadas, PO1 Joshua Satur ug ang Chief of Police nga si Police Sr. Insp. Dante Hallazgo.
Apan bandang alas 9:45 ang takna kaganinang buntag, dihang mi-abot sa maong hospital ang convoy ni Police Chief Supt. Pacleb, apan wala gipasulod sa maong hospital ang mga radio personality, gawas sa mga personalidad sa usa ka TV network.
Gumikan niini, laraw nga I boycott sa mga sakop sa media ang mga imbitasyon sa Police Regional Office 10.
