Davao City – Padayon ang pagsulod dinhi sa Davao City sa mga flights gikan sa China taliwala sa 2019 novel coronavirus (nCoV) outbreak.
Mao kini ang klaripikasyon karon ni Bureau of Immigration (BI) Davao Alien Control Officer Sittie Rizminh Alonto sa interbyu sa RMN Davao.
“Ito, gusto ko lang i-clarify na there is no directive or order from the President or DFA or kahit anong ahensya na may total ban. Ang pwede lang gumawa nun is the President or the DFA upon the recommendation of the Department of Health,” segun ni Alonto.
Sumala ni Alonto, walay mando diha sa pagdili sa pagpasulod sa mga Chinese visitors ilabi na kung aduna silay valid nga visa nga gitunol sa DFA sama sa 9A Tourist visa, 9G kun Chinese working visa ug student visa.
Apan silbing proactive measure batok sa nCoV outbreak, temporaryong gipaundang una sa BI ang pag-issue og Visa Upon Arrival (VUA) sa mga Chinese nationals.
Samtang negatibo sa thermal scanner ang kapin 70 ka mga pasaherong sakay sa Xiamen Air gikan sa Jinjiang, China nga niabot sa Davao International Airport pasado alas 12:00 sa kaudtohon.
Matud ni Bureau of Quarantine (BoQ-XI) Medical Officer IV Dr. Wilson Lim, una pa usab makakanaug sa eroplano ang mga pasahero, gina-check na sa mga personahe sa BoQ gamit ang infrared thermometer kung aduna ba silay kalentura ug uban pang senyales sa makamatay nga 2019-nCoV.
Kahinundoman nga ang atong syudad adunay direct flights sa daghang mga kabisera sa China ingon man ubay-ubay ang atong mga sisterhood kun twinning agreements nga napirmahan sa mga iladong syudad sa China.
RadyoMan Aimee Guinita
