General Santos City–Giangkon ni NFA Region-11 Director Diane Silva nga daan na silang nakadawat ug report nga adunay mga NFA rice Traders nga naga-rebag ug NFA rice ayha paman nadiskobre ang mga gi-rebag nga NFA rice sa usa ka warehouse sa may barangay Sinawal, Gensan.
Sumala niini nga aduna man silay ginahimong market monitoring sa tanang accredited nga tindahan sa NFA rice apan aduna gyoy makalusot.
Tungod niini, mas gipahugtan pa nila karon ang monitoring aron nga dili na masubli pa ang susamang mga modus operandi. Giklaro sab ni Silva nga adunay nagkaigong silot nga ipahamtang ngadto sa mga NFA accredited dealer nga magsagol ug NFA rice ngadto sa Commercial Rice.
Una nang gimanduan ni Silva si Dionesio Hectin, Provincial Manager sa NFA Sargen nga ipatawag ang mga involved sa pag re-bag ug NFA rice sa usa ka warehouse sa barangay Sinawal.
(Photo From Web)
