Binigyang diin ni House Committee on Public Accounts chairman Rep. Terry Ridon na pwede ihain uli ang impeachment complaint laban kay Vice President Sara Duterte nang walang binabago.
Paliwanag ni Ridon, aspektong teknikal lamang ang pinagbasehan ng pasya ng Supreme Court (SC) na pagtibayin ang una nitong deklarasyon na uncostitutional ang articles of impeachment laban kay VP Sara.
Diin ni Ridon, hindi ikinonsidera sa desisyon ng kataas-taasang hukuman ang laman, mga ebidensya o ang form and substance ng impeachment complaint laban sa bise presidente.
Sabi naman ni House Committee on Good Government and Public Accountability Chairman Rep. Joel Chua, ang SC ruling ay nakatutok lang sa teknikalidad at hindi sa merito ng reklamo.
Kumpyansa din si Chua na muling makakakuha ng suporta mula sa mayorya ng mga kongresista ang ihahaing panibagong impeachment complaint kay VP Duterte.
