Ang importante karong panahona mao kung unsaon nga mapildi o masumpo ang covid19.
Kini ang gibutyag ni City Mayor Oscar Moreno, sa hisgutanan sa pag-usab sa batakang balaod.
Dugang pa ni Mayor Moreno nga dili mabalik ang ekonomiya, kung guba ang panlawas sa katawhan.
Hinoon giklaro ni Mayor Moreno nga wala magsira ang ekonomiya sa syudad, gani kini ang usa sa mga hinungdan, kung nganong wala mag-lockdown ang dakbayan.
Samtang…..
Balik-balik nga gihangyo karon ni City Mayor Oscar Moreno ang katawhan nga magpuyo sa balay.
Matud ni Mayor Moreno nga ang problema sa covid wala pa nawala karong panahona, ilaba na nga ubay-ubay pa ang gaabot nga mga Returning Overseas Filipino kon ROF ug Locally Stranded Individuals kon LSIs.
Dugang pa ni Mayor Moreno, nga kadaghanan sa mga nagpositibo sa covid19 mao ang mga ROF ug LSIs, apan dili usab mahimo nga sirad-an nalang sila sa pultahan.
Kini ang hinungdan nga gidawat gihapon kini ni Mayor Moreno ug giatiman, aron nga dili makatakod sa uban kung ugaling man nga positibo sa virus.
