Gilayong gipabuto sa mga utoridad ang usa ka improvised explosive device o bomba nga nakit-an sa mganagpakabanang residente sa Barangay Rorogagus, Marawi City, buntag niadtong Sabado, Pebrero 3.
Matud pa ni Police Senior Inspector Jemar Delos Santos,tigpamaba sa PNP ARMM, mga nakit-an ang maong IED sa may kakahoyang bahin daplin sa suba.
Tungod kay delikado pa kining tandugon, naka- desisyon ang Explosive Ordnance Division o EOD Team sa Provincial Police Office sa Lanao del Sur nga pabuthon nalang kini sadapit kung asa kini nadiskubrehan.
Matud pa ni Police Chief Superintendent Graciano Mijares, Regional Director sa PNP PRO ARMM, nga gi-imbestigahan na nila karon ang insidente nga pagka-diskubre sa maong bomba.
Gidayeg ni Mijares ang mga residente sa dapit sa suporta ug sa kooperasyon ngadto sa kapulisan sa Marawi ugmagpadayon, matud pa, ang kapulisan sa dapit nga andamkanunay moresponde sa bisan unsa nga dili maayong mga panghitabo.
Kung kahinumduman nga padayun pa ang militar sa pagdilisa mga residente nga mosulod sa ubang dapit sa Marawi, ilabina sa most affected area o ground zero tungod kay delikado pa sa mga nangahabilin ug wala nakabuto nga mga bomba o unexploded ordinance.
(Photo handouts: PNP ARMM PIO)
