Nakadungog na ba ka anang ingon nila nga halad nga pagkaon alang sa mga kalag? Nibisita ko sa balay sa akoang hegala kagabii nga si Jennifer ug pag-abot sa ilang balay kay mao ni ang misugat namo. Samtang ilang gipangadye-an ang mga miyembro sa ilang pamilya o angkan nga mitaliwan na naa pud silay mga pagkaon nga gi-andam alang kanila.
Kasagaran niining mga pagkaona kay paborito daw sa ilang minahal. Naay humba, ginamay ug adobong baboy. Nag-andam pud sila og mga kakanin sama sa budbud, biko ug bingka. Naa pud gane mga prutas sama sa mangga ug lainlaing klase sa saging.
Gi-apilan pud nila og mga baso nga naay tubig ug mga tuba ug bahalina. Naa pud gane tabako ug uban pang butang nga paborito daw sa ilang mga paryente nga mitaliwan na.
Suma pa gane niya nga dili sa daw hilabtan ang maong mga halad nga pagkaon kay mokaon kuno og una ang mga kalag. Ang unang hukad dapat alang gyud kanila.
Kamo idol, kasuway na ba mo og ingon ani? Unsa may inyong comment ani? Motoo ba mo nga mokaon pud ang mga kalag?
