Dipolog City- Dako ang katingala sa mga pasahero sa barkong medallion human nagka guliyang ang mga crew sa mao nga barko imbis nga hapit na kining modunggo sa pantalan sa Galas ning dakbayan sa Dipolog human adunay pasahero nga miambak sa dagat.
Sakay ang usa ka inahan sa barkong M/V Lady of Joy nga itago lang sa pangalang Gina uban ang iyang bana ug 8 ka bulan nga bata gikan kini sila sa Cebu, lumolopyo kini sila sa taway ipil Zamboanga Sibugay
Saysay pa sa mga nakasaksi, gibutyag niini nga gabie palang daan gikan didto sa Cebu nagkalalis na kining mag asawa, hangtod pagka buntag na usban pa ang ilang panaglalis.
Wala matod pa kabantay ang bana niini sa dihang mitalikod kini kalit nga miambak ang iyang asawa ug niadtong higayona gikugos sa iyang asawa ang walo ka bulan nila nga anak nga gidala pag ambak sa dagat.
Dali usab kining gi luwas sa mga crew sa barko aron haw-ason sa tubig dagat samtang nag lutaw-lutaw kining inahan ug ang bata sa dagat.
Una nga nahaw-as ang bata ug dali kining gitabang ni Dra. Cabang uban sa pag abag ni Dr. Ramon Blancia pinaagi sa pag CPR.
Samtang ang inahan niini wala dayon ma haw-as tungod kay mo palayo man hinuon kun duloon sa nag rescue, pero na luwas ra sab kini.
Butyag pa sa bana niini nga nakasinati kini ug depresyon sukad nga nanganak.
Ingon pa sa experto sa medisina nga posibleng nakasinati kini ug postpartum depression kini kasagara mahitabo human sa pagpanganak ug posible nga mo grabe pa kun mapasagdan kini nga depression.
Ang inahan ug ang bata anaa na karon sa luwas nga kahimtang human kini gidala ug dala sa balay tambalanan nining dakbayan.
Samtang dako sab ang pasalamat sa mga kaliwat biktima sa mga nitabang samaoang panghitabo ug mihangyo kini sila dili nalang magpataka ug comment diha sa mga social media kun wala masayod sa tinuod nga panghitabo.
