General Santos City—Nanawagan ang ginang nga si Marissa Igay, inahan sa biktimang si Jhony Bert Igay nga taga barangay Calumpang, Gensan ngadto sa nakabangga sa iyang anak nga driver sa usa ka puti nga pick-up nga musurender nalang sa kapulisan ug tubagon ang salaod nga iyang nahimo.
Alas 9:00 ang takna sa gabie niadtong adlawng Lunes dihang nabanggaan ang biktima atubangan sa warehouse sa barangay Calumpang, sa usa ka puti nga pick-up.
Daghang samad ang naangkon sa biktima sa nagkandaiyang parti sa lawas kansa gilayon nga gidala sa ospital. Nasayran nga human sa insidenti paspas nga misibat ang suspek sa wala sayring lugar.
Sumala ni Marissa nga unta maluoy ang suspek sa iyang anak ug sila tabangan sa mga galastuhon sa ospital hilabi na nga pit-os ang ilang kahimtang sa kasamtangan.
Wala silay planong mupasang-at ug kaso sanglit ang ilaha lang nga sila tabanagn sa suspek sa mga balayranan sa ospital sa iyang anak.
Sa karon padayon gihapon ang imbistigasyon nga ginahimo sa Traffic Management Unit aron nga mailhan ang identity sa suspek.
