General Santos City–Gihingusgan ni alyas lucing ang inahan sa gipatay nga kanhing jail guard sa provincial jail sa Koronadal City nga gibalhin sa Polomolok Municipal Hospital ang iyang anak nga si Alfredo Polido, 44 anyos, residente sa lot 3, Yu Village Brgy. Apopong ning dakbayan nga walay kamatuoran ang pamahayag sa kapulisan nga nalambigit ang iyang anak sa pagpayuhot ug illegal nga droga.
Sumala pa sa nasampit nga inahan nga usa ka buotan ang iyang anak ug walay bisyo kansa igo ra naningkamot sa pagpanarbaho aron lamang mahatagan niini ug maayong panginabuhi ang iyang pamilya.
Hinungdan nga dako ang ilahang pagkadismaya sa mga pulis nga mipatay sa iyang anak nga wala man unta nahimong sala gani niadtong higayona pauli na unta si Polido gikan nagduty sa polomolok municipal hospital ug nakurat na lamang sila sa nahitabo nga sumala pa nakuhaan kini ug mga droga, pusil atol sa operasyon ug misukol hinungdan nga napusilan patay.
Dako man usab ang pagtuo sa pamilya nga gikan lamang gihapon sa kapulisan ang ilang nakumpiska sa iyang anak gumikan kadtong pitaka nga nakuha sa mga pulis dili matud pa kadto sa iyang anak.
Kahibaloan nga una nang gibutyag sa labaw sa PSU nga si Elieuterio Nodado nga riding in tandem ang mipusil kang Polido samtang sa kabahin sa kapulisan dili matud pa riding in tandem ang mipusil kundili mga operative team nga nagpahigayon ug buy bust sa nasampit nga sumala pa misukol atol sa operasyon hinungdan nga ilahang napusilan ug namatay. (Reynald Timario)
