Dakong pasalamat sa Ginoo sa inahan nga si Marivic Bate nga luwas ang iyahang pamilya lakip na ang bedridden niini nga anak sa maong trahedya.
Nagtinabangay sila sa iyahang bana sa pag-alsa pagawas sa ilahang 17 anyos nga anak nga babae nga adunay cerebral palsy ug epilepsy aron lang makagawas sa gadilaab nila nga balay.
Nanawagan ang mga fire victims og mga hinabang tungod sagad kanila walay nasalbar.
Sa kadaghan sa nasunuguan, gisagop sa Barangay Leon Garcia ang gatusan usab ka mga pamilya nga kasamtangang nagpuyo karon sa gym.
Sumala ni Barangay Tomas Monteverde Kapitan Robert Diaz, aduna nay mga pasiunang mga ayudang nadawat ang mga fire victims gikan sa CSWDO nga pagkaon, modular tents ug mga donasyon usab sa mga pribadong mga grupo.
Sa inisyal nga datos sa CSWDO mobalor sa P8.4M ang damyos sa Purok 5 pa lang samtang nagpadayon pa ang validation sa Purok 6 ug Purok 6A.
Sa datos sa Davao City Fire District, dili muubos sa 200 ka mga balay ang nangaugdaw.
Electrical ignition ang rason sa sunog nga nagsumikad sa kisame sa balay sa residenteng si William Varona.
RadyoMaN Aimee Guinita
