Gitambongan ni Department of Public Works and Highways Secretary Mark Villar ang inauguration sa Tagoloan, Misamis Oriental River Basin Sub-Project ubos sa Flood Risk Management Project kaganihang buntag.
Sa maong okasyon, gipasalig ni Secretary Villar nga maka-angkon pa sa dugang proyekto ang Northern Mindanao ubos sa Build-build-build Program ni Presidente Duterte.
Matud ni Villar nga ang river flood control sa Sitio Sihayon, Barangay Sta. Cruz, Tagoloan, Misamis Oriental migasto sa 778 million pesos.
Kini nga kantidad maoy abot sa loan agreement sa Philippine government sa Japan International Coordinating Agency kon JICA.
Gibutyag ni Villar nga ang maong proyekto maoy silbing depinsa sa lungsod sa Tagoloan sa tumong ug tingoha nga makalikay sa baha ang dagkong Industriya sa Phividec Industrial Authority.
Gawas ni Secretary Villar lakip sa nag-una sa maong Inauguration Ceremony si Misamis Oriental Governor Yevgeny Vincente Emano ug Japanese Ambassador to the Philippines Koji Haneda.
Matud ni Villar nga ang 778 million pesos river dike sa lungsod sa Tagoloan, tipik lamang sa 8 billion pesos loan agreement sa Philippines sa JICA nga maoy gigasto sa gobyerno sa nagpadayon nga Construction sa Flood Control Project sa Cagayan de Oro River ug Imus Cavite.
