Patay ang incident commander sang Guihulngan City Inter-Agency Task Force Against Emerging Infectious Diseases (IATF-EID) kag ang bana sini sang ginluthang sang riding in-tandem suspects sa Carmen Ville Subdivision, Brgy. Poblacion, Guihulngan City, Neg. Oriental, las-5:20 sang hapon, Disyembre 15, 2020.
Ginkilala ang biktima nga si Dr. Mary Rose Sancelan kag bana sini nga si Edwin Sancelan nga empleyado man sang nasambit nga LGU.
Buot na kuntani magpauli ang mag-asawa sang ginluthang sang mga suspek . Gindala pa ang mga biktima sa Guihulngan Hospital apang gindeklarar nga dead on arrival. Narekober sa crime scene ang 15 fired cartridge sang caliber 45.
Ginkakibot naman sang Guihulngan City IATF-EID ang krimen nga ginkamatay ni Dr. Sancelan nga dako ang nabulig sa pagkontrol sang pagsaka sang kaso sang COVID-19 sa ciudad sang Noviembre.
[image: image.png]
