Gipa-activate na ni Mayor Oscar Moreno ang Incident Management Team sa City hall aron motubag ug mo-responde sa unsay may mga hitabo sa pagsaulog sa Huwebes ug Biyernes santo sulod ning semana santa.
Matud ni Moreno nga iyang gipasiguro sa iyang mga disaster team nga matubag dayon ang mga gikinahanglan sa mga debotong katoliko nga modagsa sa mga Pilgrimage sites ning syudad nga magpakita sa ilang pagsakripisyo kay boot mosunod sa mga tunob ni Ginoong Jesus Kristo nga nag-antos ug nagpakamatay sa Krus aron pagluwas sa kasal-an sa katawhan sa tibook kalibutan.
Lakip sa mga lugar nga gipa-sure ni Mayor Moreno, ang Guadalupe shrine sa Upper Balubal, Malasag Cugman, mga simbahan, terminal, public markets, malls ug uban pang mga populated areas ning syudad sa Cagayan de Oro.
Gitahasan usab ni Mayor Moreno ang mga opisyal ug mga personahe sa Roads and Traffic Administration nga i-siguro nga mahapsay ang trapiko sa mga lugar diin didto modagsa ang mga deboto ning mahal nga adlaw.
Matud sa mayor nga iyang gitahasan usab ang iyang mga health officials nga makig coordinate sa Incident management team aron masiguro nga luwas ang panglawas sa mga deboto nga mosaka sa mga lugar nga didto magsakripisyo ning mahal nga adlaw.
-o0o-
By: RadyoMaN Nitz Arancon
