Indi compatible ang test kits nga ginagamit sang Bacolod sa ginagamit sang provincial government sang Negros Occidental rason nga sa Western Visayas Medical Center sa Iloilo City sa gihapon nagapadala sang swab samples ang Bacolod.
Ini ang ginpalayag sa DYHB ni Vice Mayor El Cid Familiaran, kadungan sang iya pag-confirm nga wala pa sang kasugtanan ang Bacolod kag provincial government tuhoy sa pagpadala sang swab samples sa Molecular Laboratory sa Teresita Jalondoni Provincial Hospital sa ciudad sang Silay.
Samtang, ginpahayag sang bise alkalde nga posible sa una nga semana sang Hulyo magabukas naman ang bio safety laboratory sang city government sang Bacolod nga nahamtang sa Corazon Locsin Montelibano Memorial Regional Hospital (CLMMRH).
[image: image.png]
