Walay nahitabong public consultation! Kini ang rason kung nganong nagpasa ang city council pinaagi kang konsehal Teodulfo Lao Jr. ug resolosyon aron tawgon ang atensyon sa LTFRB ug nga isuspend una ang implementasyon sa taxi fare increase karong semanaha.
Magpabilin matud pa ang flagdown sa taxi nga P40 pesos ug nga ang additional P2 pesos per minute or P13.50 per kilometer ang sobra ra kayo. Kahinumduman nga si Konsehal Lao ang chairman sa public utilities committee ug nagkanayon kini nga walay gibuhat nga effort aron tugutan ang publiko sa pagpahayag sa ilang opinion matud niini maoy hinungdan nga gikakurat gyud kini sa tanan.
Dugang pa ni Lao nga gikinahanglang gyud nga magtawag ug public consultation ang LTFRB bahin niini dasun usab sa pagtaaas sa presyo sa mga batakang panaliton. Gikataho usab nga daghan na ang nag complain sa hapit 50% nga increase gumikan sa dili na kini affordable para sa kadaghanan. Sumpay niini, apil usab ang umaabot nga petisyon nga patas-an ang pletehan sa jeepney nga matud pa niya sigurado usab nga makapalisud pag ayo sa mga commuters.
Posibleng imbitahan sa committee sa city council on public utilities ang mga nanag- iya sa mga pampublikong sakyanan ug apil na ang mga representante sa mga commuters aron pagahisgotan kining maong mga butanga.
