Nadakpan sa Criminal Investigation and Detection Group kon CIDG Bukidnon ang incumbent barangay captain sa Mabuhay, Baungon Bukidnon nga si Kapitan Rene Acuesta.
Si Kapitan Acuesta ang gitudlong suspek sa pagpatay sa pamilyang Magsalay, niadtong Marso 2014.
Matud ni Atty. Ernie Palanan, nga apil sa nadakpan sa CIDG ang usa sa kauban ni Kapitan Acuesta nga si Markjun Lawas alyas ‘’renren’’, samtang gawasnon pa ang duha nga silang si Elmer Gamayun alyas ‘’empoy’’, ug Aldong Eramia alyas ’’enad’’.
Mahinumduman nga nahitabo ang insidente niadtong Marso 15, 2014 nga gikamatay sa magtiayon nga Rosita ug Kian Magsalay, ug anak nga si Julius Magsalay.
Facebook Comments
