Davao City – Nanawagan karon ang mga kadagkuan sa Indangan, Buhangin syudad sa Davao ngadto sa mga lumulupyo sa DECA Homes nga mosang-at sa ilang pormal nga reklamo sa opisina sa nag-supply og tubig sa ilang lugar aron mahatagan ug solusyon ug hustisya ang ilang komon nga problema.
Sumala ni Indangan Barangay Captain Armando Abapo, ang maong subdivision usa ka pribadong entity diin wala pa usab diay kini ma-turnover gani kung adunay mga reklamo ilabi na sa ilang quality sa tubig ug uban pa, mamahimo silang modangop una ngadto sa ilang barangay aron matabangan.
Matud ni Abapo, dugay na kini nga problema sa ilang barangay diin lakip diha ang tubig nga baho ug daw walay igong pagtagad sa developer niini kalabot sa mga valid concerns sa katawhan.
Una niini, gipasalig ni SP Majority Floorleader J. Melchor Quitain ug mismo ni Mayor Sara Duterte-Carpio nga andam silang motunol og legal assistance aron mahatagan og higayon nga mapasibaw sa proper forum ingon man mahatagan og alibyo ang gihambin nga kaguol sa mga nangasuko nga Deca Homeowners.
RadyoMaN Bernard Pantallon
