![KALAYAAN](https://i0.wp.com/rmn.ph/wp-content/uploads/2018/06/KALAYAAN.jpg?resize=480%2C251&ssl=1)
Pagapangunahan sang lokal nga panguluhan sang banwa sang Sta. Barbara ang flag raising ceremony angut sa pagsaulog sang ika-120 nga adlaw sang kahilwayan buwas nga adlaw.
Pagapasakaon sa flag pole nga may kataason nga 150 ka tapak ang hayahay sang pungsod nga nagalapad sang 20 by 50 feet alas 8 buwas sa aga sa pagpanguna ni Sta. Barbara Mayor Dennis Superficial.
Pagkatapos sang flag raising ceremony may pagahiwaton man nga wreath laying sa monumento ni General Martin Delgado nga isa ka baganihan nagikan sa nasambit nga banwa.
Dinapit nga manughambal sa programa si Ambeth Ocampo, isa ka historian kag anay Chairman sang National Commission for Culture and the Arts kag National Historical Commission.
Magahatag man sang mensahe si Iloilo Governor Arthur Defensor sa nasambit nga kahiwatan.
Magatambung man sa selebrasyon ang tanan nga department heads sang Iloilo provincial capitol.
Ang banwa sang Sta. Barbara amo ang pinakauna nga banwa sa guwa sang Luzon kon sa diin ginwagayway ang bandera sang Pilipinas.