Roxas City, Capiz- Mabaskog nga ginpanginwala ni City Councilor Atty. Powell del Rosario ang nangin alegasyon ni City Administrator Gilbert Tan nga ginduro-duro sini si TFRU head Mr. Ed Andrade.
Base sa impormasyon, ang insidente ang natabo sa Dinggoy Roxas Civic Center kun sa diin ginapatigayon ang pag-ilis sang mga bag-o nga steel plates sang traysikol nga nagabiyahe sa syudad sang Roxas.
Ginpunto ni del Rosario nga sa amu nga mga tinion, wala si City Administrator Gilbert Tan sa lugar. Ginpanindogan man sini nga madamo nga tawo sa amu nga lugar gani nga paano niya mahimo ang kasubong nga bagay. Saksi sini ang pila ka mga city hall employees.
Suno pa sa konsehal, ini nga mga akusasyon ang kabahin lamang sang stratehiya agud nga tursihon ang isyu.
Sa madumdoman sa previlege speech sini sa city council, ginpabutyag ni del Rosario ang pagkadismaya angut sa tikang sang city government nga pag-ilis sang sang bag-o nga steel plates sa pihak nga wala maka-agi sa Sangguniang Panglunsod pinaage sa isa ka ordinansa.
Apang sa separado nga interview, ginpanindogan naman ni City Administrator Mr. Gilbert Tan nga nag-agi sa nagakaigo nga proseso kag konsultasyon ang nasambitan nga bagay.
© web photo
