Nadakpan sa follow-up operation ang duha ka suspek nga naghold-up sa isa ka Indian National sa syudad sang Himamaylan, nagligad nga sabado.
Pasado ala-una sang hapon sadtung Hunyo 8, sang gin-hold up sang riding-in-tandem ang biktima nga si Avtar Singh sa area sang Purok WVSU, Barangay Caradio-an, Himamaylan City.
Gintaya-an sang isa sa mga suspek si Mr. Singh sang kutsilyo kag nag-declare nga hold-up sa diin ila nakuha ang wallet sang biktima nga may unod nga 600 pesos.
WALA pa na kuntento ang mga kawatan kag ila gin-dala man ang motor ni Singh nga Honda TMX kag ila man gin-kuha ang sapatos sang biktima.
Sa ginpatigayon nga follow-up operation sang Himamaylan City PNP, nadakpan kahapon ang duha ka suspek nga nakilala nga sanday Julio Gustilo kag Joseph Muleta.
Ang mga suspek ang sa karon detained sa lock-up cell sang Himamaylan Police Station.
