General Santos City— Patay ang usa ka Indian national human mahitabo ang disgrasya sa kadalanan sa highway nga bahin sa Brgy. Baluan ning dakbayan.
Ang biktima nailang si Singh Kulwir, hamtong ang pangidaron nga una ng gideklarang dead on arrival sad r. Jorge P. Royeca Hosapital samtang ang driver sa Toyota Bebe Wagon nga iyahang nakabanga nailang si Rodolfo Garcia, hamtong ang pangidaron ug residente ning dakbayan sa GenSan.
Sumala kang Police Chief Inspector Ruelito Lumiguid, labaw sa Traffic Management Unit basi sa inisyal nga imbestigasyon, kalit nga mi-u turn ang biktima sakay sa iyahang motorsiklo nga adunay plaka numero nga SP 7526 nga mibangga sa atubangan nga bahin sa Toyota nga adunay plaka nga 122610.
Pamahayag matud pa sa suspek nga si Rodolfo, wala siya makalikay gumikan adunay tricycle sa iyahang kiliran. sa karon, anaa sa ilahang kustudiya ang suspek samtang ginapaabot ang kabanay sa biktima kung mupasang-at ug kaso o dili.
