Generasl Santos City—Nagmalampuson ang gipahigayong Indignation Rally sa hiniusang pwersa sa kapulisan, sundalo ug LGU-Gensan Batok New People’s Grupo atubangan sa Plaza Heneral Santos alas 8:00 pasado ang takna sa buntag kagahapong adlawa.
Ang lakang gihimo aron nga ipakita sa katawhan ang hugtanong pagkondina sa mga hinimuan sa maong teroristang grupo.
Sumala pa ni Police Col. Aden Lagradante ang labaw sa General Santos City Police Office nga makita matud pa sa gipahigayong Indignation Rally nga ang katawhan sa Gensan ang nagpura na sa binuhatan nga pagpangilad sa NPA ngadto sa mga lumad sa kabukiran aron nga awhagon nga muanib sa ilahang pundok ug makigbatok sa goberno.
Nanghinaot si Lagradante nga tungod sa maong indignation rally napakita nila sa katawhan ang mga pagpangilad sa maong grupo gani sa karon nagmando si Presidente Rodrigo Duterte nga subling ablihan ang peace talk tali sa goberno ug CPP-NPA-NDF apan pipila ka adlaw human gipagawas ang kamanduan nga sugdan na ang peace talk gilayon kining gisupak sa maong grupo diin ilang gi-ambush ang mga sakop sa Iloilo Police nga gika-angul usab sa pipila ka miyembro pulis.(Dave Silagan)
