Karon nang adlawa ipahigayon sa Brgy. 17 ning dakbayan ang usa ka Info Drive nga unhan ni City Administrator Teddy Sabuga-a, kalabot na sa paglikay sa sunog ug uban pang katalagman.
Mahinumdoman, nga nakasinati sa sunod-sunod nga sunog ang maong barangay busa, nadesisyonan sa dakbayan kauban ang CEPALCO, bureau of fire protection, OBO ug ubang ahensya sa gobyerno nga magpahigayon og info drive.
Matud ni Sabuga-a nga unahon ang Brgy. 17 sa maong kalihokan ug mosunod ang ubang mga barangay aron pagsiguro nga layo sa katalagman ang katawhan. Kini bisan kon andam kanunay ang disaster team sa CSWD, CDRRMD ug uban pang buhatan pagresponde sa unsa mang tawag sa emerhensya.
Facebook Comments
