Ang Department of Health o DOH nagpahigayon og information drive kababin sa availability sa bakuna kontra pneunomia dinhi sa probinsiya sa Sugbo. Ang tumong sa maong info drive kay aron masiguro nga ang mga bata nag-edad unom ka semana hangtud onse ka-buwan matagaan sa maong libreng bakuna kontra pneumonia.
Tulo (3) na ka semana ang milabay sa dihang mihinayhinay og libot ang maong Libreng Bakuna Team sa mga lugar sa northern Sugbo. Sa ilang 3rd week karon, naa sila sa mga lugar sa south.
Ug kun ugaling nakabasa mo ani nga post, hinaot pa nga inyong ipanabi sa mga inahan nga naay bata below 11 months old. Naay libre nga bakuna kontra pneumonia ang gobiyerno. Akoang balikon libre kini ug alang ni sa tanan. Ayaw kauwaw ug bisita sa pinakaduol nga barangay health center ninyo.
Hinaot pa nga atoang suportaan ang DOH kabahin sa maong lakang pinaagi sa pagpabakuna sa atoang mga bata o pagpahibaw niini sa atoang mga kaila. Aron mas daghan pa ang mga bata nga maluwas sa sakit nga pneumonia.
