Nagpabiling malinawon o generally peaceful ang Area of Responsibility kon AOR sa Initao Municipal Police Station.
Kini ang gibutyag ni Police Captain Arlene Ranario, ang Acting Chief of Police sa Initao Municipal Police Station sa interview sa dxCC-RMN.
Matud ni Captain Ranario nga ang kalinaw sa ilang area tungod sa dako nga suporta nga gihatag kanila sa lokal nga kagamhanan ug sa katawhan sa ilang area nga maoy naghatag kanila og mga impormasyon, sa mga tawo nga adunay planong mobuhat o nagbuhat sa unsa mang krimen.
Dugang pa ni Captain Ranario nga pinaagi kanila nahatagan nila og pagtagad ang mga nadawat nga impormasyon aron masumpo ang mao nga kadautan.
Samtang nag-una nga krimen nga natala sa Initao Municipal Police Station ang kaso sa physical injury.
Apil na niini ang kaso sa reckless imprudence resulting to physical injury o kining gitawag nga mga traffic incidents.
Matud ni Police Captain Ranario nga ang Initao karong panahona kamulo sa pag-widening sa kadalanan busa dili malikayan nga adunay mga dili maayong panghitabo sama sa disgrasya nga adunay mamatay.
Dugang pa ni Ranario nga nagpadayon usab karon ang ilang kampanya batok illegal nga droga tungod kay mandato ni Presidente Rodrigo Duterte nga masumpo o makuhaan ang maong problema.
