Malaybalay City, Bukidnon – Gipahayag sa Police Regional Office 10 nga wala pa pormal nga nagsugod ang Oplan Toktok Hangyo kon Oplan Tokhang.
Sa interview sa RMN Malaybalay ngadto kang PNP 10 Regional Spokesperson PSupt. Lemuel GOnda, gibutyag niini nga gisugdan na nila ang ilang Oplan Double Barrel, ug mga buy-bust operations apan ang gihimong pagbisita sa mga panimalay sa mga drug suspeks nga “Oplan Toktok Hangyo” ang wala pa nila nahimo apan posibleng himoon na nila kini sa musunod nga mga adlaw.
Apan sigun ni Gonda nga aduna na silay inisyal nga mga information gatherings aron makasugod na gilayon kon aduna nay go signal sa pagpahigayon niini.
Matud ni Gonda nga ilang siguruhon nga walay malapas nga katungod sa tawo sa ilang subling pagbalik sa Tokhang.
Naglaom usab ang opisyal nga daghan ang musanong sa mao nga programa sa kapulisan.
Gipahimangno usab ni Gonda nga walay mga tawong gipili ang droga, makwartahan man o maprobre, mabata man ug edaran.
Gihagit usab ninii ang mga hingtungdan sa mga drug personalities nga itaho sa kapulisan kon dili na kini madala ug tambag tungod kay dili na kini mu-ila kon kadugo o dili.
