Daw sa nasubhan ang bag-ong tuig 2018 ug mga insidenti sa lumos, human sunod-sunod ang natalang mga biktima nga nalumos dinhi sa rehiyon sa Caraga. Sa miaging adlaw patay nga nahidangat sa Rural Health Unit (RHU) sa lungsod sa Rosario, Agusan del Sur ang biktimang si Bonbon Otacan, 4 anyos nga bata human nalumos sa balon/atabay didto sa P1, Poblacion, Rosario, Agusan del Sur. Asoy sa iyang mga ginikanan, nga aksidenting nahulog ang bata sa balo atol sa iyang paghimasa bandang ala 1 ang takna sa hapon. Dugay nang gi-abondona ang maong atabay apan tungod kay nawala ang suplay sa tubig sulod sa Orlanes compound mao’ng napugus sila sa pag-abli sa atabay aron gamiton adlaw-adlaw. Wala magdahum ang pamilya nga kadto diay ang hinungdan sa kamatayun sa 4 anyos nga bata’ng biktima. Daling gidala ang biktima sa RHU sa lungsod apan gideklara kini dead on arrival. Sent from my Samsung Galaxy smartphone.
