Natigayon ang insidente pasado ala una sa kadlawon kagahapong adlawa sa opisina sa water district nga nahimutang sa Purok-4, Babahagon, Barangay Poblacion, Lantapan, Bukidnon.
Sumala sa report, nga nabiyaan matud pa sa nakaduty nga watchman ang buhatan hinungdan sa pagkakitag oportunidad sa kawatan paglungkab sa opisina.
Pinaagi sa pagguba sa duha ka padlocks, pugsanon nga giabli sa kawatan ang vault nga naay kwartang mubalor sa P50,000.00 nga collection sa tibook adlaw, lakip na ang personal nga kwarta sa cashier.
Wala pa mahiluna ang kawatan, gibitbit pa niini ang CCTV box sa opisina dayong sibat sa wala matinong direksyon.
Hugot karon ang imbestigasyon sa kapulisan sa nahitabong pagpanglungkab lakip na ang paglantaw sa anggolo nga inside job ang insidente.
