Paghatag pagtagad sa mga Urban Poor, usa sa gitutukan sa buhatan sa Presidential Commission for the Urban Poor

Usa sumala pa sa gitutukan sa buhatan sa Presidential Commission for the Urban Poor (PCUP) ang paghatag og pagtagad sa mga urban poor sa nasud.

Sa interview sa RMN Malaybalay ngadto kang Maytosa Milana, Area Coordinator sa PCUP, gibutyag niya nga namugna ang opisina panahon sa revolutionary government ni kanhi President Corazon Aquino adtong 1986.

Ginatan-aw sumala pa adtong panahona ang sektor sa Urban Poor diin nahimong tulay ang opisina ngadto sa gobyerno sa nasud aron nga mahatagan og patagad ang sektor sa Urban Poor.

Pagabasihan sumala pa niini nga makonsiderang lakip sa Urban Poor ang poverty threshold nga ipagawas sa National Economic Development Authority (NEDA).

Dinhi nagadepende ang income level sa matag indibidwal kung asa pwede nga mahilakip sa gikonsiderang Urban Poor.

Alayon niini, adunay ipahigayon nga PCUP Service Caravan 2023 ugmang adlawa, didto sa Kaamulan Open Theatre, Kaamulan Grounds, Malaybalay City, Bukidnon alas 8 sa buntag.