Gisusi na sa mga kapulisan ang mga CCTV Footage sa maong establishemento alang sa pagsuta ug pag-ila sa mga posibleng suspek sa pagpanulis.
Madumduman nga adtong Miyerkules sa buntag, Hunyo 14, 2023, mitaho ngadto sa kapulisan ang usa ka Vhanissa Dionesio Montenegro, 23 anyos, dalaga, HR/Finance Admin sa J&T PH Global Jet Express Inc, ug residente sa Purok-5, Balungkot, Violeta, Malaybalay City kabahin sa nahitabong pagpanulis.
Sumala sa report, nga gaatang matud pa og salakyan ang maong biktima padulong sa usa ka Money Padala sa dihang duha ka mga wala mailang suspek ang kalit miduol kaniya og gisakmit ang dala niini nga bag.
Wala na makapanagang pa ang biktima tungod kay armado sa mubo nga pistola ang mga suspek.
Gibana-banang anaa sa tunga sa milyon ka pesos ang mga nadagit sa mga tulisan kinsa misibat sa wala matino nga direksyon.
