Madamo sang narekord nga insidente sang pagbaha, landslide kag strong wind dire sa probinsya sang South Cotabato subong nga bulan tuga sang pagbubo sang mabaskog nga ulan base sa nabaton nga report sang Provincial Disaster Risk Reduction and Management Office halin sa mga Municipal Disaster Risk Reduction and Management Office.
Suno kay OIC PDRRM Action Officer Liezel Gazo may-yara sang mga flood control kag iban pa nga mga infrastructure projects subong man mga pananom ang apektado sang pagbaha kag landslide.
Samtang nagalab-ot naman sa P2 million ang natuga nga danyos sang strong wind sa banwa sang Banga matapos nga may-yara sang mga balay ang totally kag partially damage kag may pananom man nga apektado.
May-angot sini, may-yara naman sang inisyal nga ayuda nga ginhatag sa mga apektado sang nasambit nga kalamidad kag padayon man ang rehabilitasyon sang Provincial Engineering Office sa mga naguba nga infrastructure projects.
Padayon naman suno kay Gazo ang monitoring nila sa sitwasyon sang panahon sa probinsya kag ginaadvise sa mga pumuluyo nga mangin alerto matapos nga pormal na nga nag-umpisa ang panahon sang tig-ululan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
