Inspeksyon sa mga PUV gipakusgan sa LTFRB XI

Davao City – Nagpadayon ang enforcement operations sa Land Transportation Franchising and Regulatory Board Region XI (LTFRB XI), kauban ang SAICT (Special Action and Intelligence Committee for Transportation), pinaagi sa roadside inspections ug franchise verification sa nagkalain-laing lugar sa Davao Region aron masiguro nga ang mga Public Utility Vehicles (PUVs) nag-operate nga luwas, legal, ug nagsubay sa mga regulasyon sa transportasyon, Marso-6, 2026.

Nasayran sa pagpanahom sa DXDC RMN Davao nga ubos sa giya ni Regional Director Nonito A. Llanos III, ang LTFRB XI nagpadayon sa pagpatuman sa mga polisiya ug direktiba ni Atty. Vigor D. Mendoza II, Chairman sa LTFRB, uban sa koordinasyon sa DOTr (Department of Transportation) aron mapalig-on ang implementasyon sa transport regulations sa rehiyon.

Nahibaloan nga sa gihimong inspection operations, daghang jeepney, bus, UV Express, ug taxi ang gi-check sa enforcement team. Nagresulta kini nga adunay mga sakyanan nga nakit-an nga adunay kakulangan sa roadworthiness, sama sa depektibong preno, dili muandar nga suga, daot nga ligid, o adunay problema sa rehistro ug prangkisa. Gihatagan og Show Cause Orders (SCOs) ang mga operator subay sa saktong proseso.

RadyoMaN Bien Abanos
‎