Davao city – Hingpit na milingkod isip Eastern Mindanao Command Commander si Lieutenant General Benjamin Madrigal Jr atol sa change of command nga gihimo sa Camp Panacan kaganinang buntag.
Gihulipan ni Madrigal ang kanhing commander ug karon Afp Chief of Staff General Rey Leonardo Guerrero puli sa miretiro nga si General Eduardo Año.
Gipangunahan ni Guerrero ang change of command nga gitambungan sa mga division brigade commanders, nagkadaiyang stakeholders, mga pamilya, ug mga kahigalaan.
Gipasalamatan ni Madrigal si Defense Secretary Delfin Lorenzana tungod sa pag-endosar kaniya ngadto kang Presidente Rodrigo Duterte aron mahimong sunod nga EASTMINCOM commander.
Sa paglingkod ni Madrigal sa katungdanan, gisaad niini nga kabahin sa iyang prayoridad mao ang suliran sa insurhensiya maingon man sa padayon nga paglig-on sa relasyon tali sa mga sibilyan.
Si Madrigal, natudlo nga commander sa Southern Luzon command niadtong Agosto 18, nahimo sab kini nga assistant deputy commander sa 10TH ID, ug nahimo usab kining commander sa 701st Brigade sa Mati City Davao Oriental.
Nasayran nga si Madrigal sakop sa class 1985 ug pipila sa iyang mga na-classmates mao si 10TH ID Commander Major General Clement.
RadyoMan Joel Viray
