General Santos City—Mihangyo karon ug suporta sa tanan si Police Chief Supt. Ceddric Train alang ngadto sa muhulip kaniya isip labaw sa Police Regional Office 12.
Sumala pa ni General Train nga unta unsa man ang suporta nga gihatag sa katawhan ug sa kapulisan ilawom sa iyang pagdumala sa Pro-12 mao usab ang suporta nga ihatag sa bag-ong labaw nga si Police Chief Supt. Marcelo Morales.
Iyang gibutyag nga managsama ra ang ilang tumong ni General Morales nga mao nag pagpabiling malinawon sa Rehiyon-12.
Dugang pagbutyag ni Gen. Train nga kinahanglan tutukan sa bag-ong labaw sa PRO 12 ang insurgency sa iyahang ginsakopan hilabi na kay gideklara na ni President Duterte nga terorista ang grupong NPA. Dugang pa niini nga dunay kapasidad ang maong grupo nga maghimo ug kagubot sa rehiyon.
Kinahanglan usab matud pa nga mupaduol sa kumunidad ang kapulisan alang sa paspas nga pagkuha ug impormasyon ug paspas nga pagrespondi sa mga gakahitabo sa palibot. (Dave Silagan)
