Patay ang intel officer sang Pontevedra Municipal Police Station sang ginluthang sang riding in-tandem suspects samtang ini ang naga-jogging sa reclamation area sang Brgy. 1, Pontevedra, pasado las-6:00 sang aga, Disyembre 22.
Ginkilala ang biktima kay Police Staff Sergeant Ildefonso Casugod.
Sa interview sang DYHB sa hepe sang Pontevedra MPS nga si Police Captain Ron Daryl Nigos, ginpahayag sini nga mga napulo na katuig sa serbisyo si Casugod. Nagapati naman si Nigos nga posible may kaangtanan sa iya trabaho bilang intel officer ang pagpatay kay Casugod.
Natabuan man nga naga-jogging sa lugar si Pontevedra Mayor Jose Maria “Jomar” Alonso sang ginluthang ang pulis. Sa interview sang DYHB kay Mayor Alonso, ginpahayag sini nga nagasunod sa iya grupo si Casugod kag indi maglapaw sa 10 metros ang ila distansiya samtang naga-jogging kaina sang aga. Nakibot na lamang ang alkalde sang nakabati sang isa ka lupok.
Nakita sang alkalde nga naigo sa likod sang ulo ang biktima. Ginpahayag man ni Mayor Alonso nga kilala niya ang pulis, pero indi niya ini close-in security. Suno sa alkalde, wala siya sang gina-upod nga bodyguards.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
