Davao City – Human sa sunod-sunod nga pag-ihaw sa mga sundalo ug police nga hinimoan sa Special Partisan Unit (SPARU) sa New Peoples Army, gipahugtan karon sa Eastern Mindanao Command (EASTMINCOM), ang ilang monitoring diha sa mga kabarangayan.
Kini ang gihimo nga action sa military batok sa operasyon sa SPARU Unit, human gipatay ang duha ka mga sundalo sa Mawab, Comval Province niadtong nakalabay’ng adlawa gikan namalingke ug pauli na unta sa ilang kampo.
Sumala ni Maj.Ezra Balagtey EASTMINCOM Spokesperson, base sa ilang report nga nadawat subling mibalik ang operasyon sa mga rebelde pinaagi sa ilang SPARU Unit nga likidahon ang sundalo ug police, human gideklara sa gobyerno ang pakiggiyera sa NPA. Tungod niini gipasidan-an tanan ang kapolisan ug military nga mag-igmat kanunay batok sa maong grupo.
