Davao City – Pipila sa mga nag-unang balita karong buntag nga nahagpat sa DXDC RMN News Team gikan sa nagkadaiyang dapit sa siyudad sa Dabaw ug kasikbit nga mga lugar.
Dise otso anyos nga babayeng bag-ong panganak gidagmalan sa iyang bayaw ug ugangan, gipasagdan pa gyud nga mahumod sa ulan kauban ang wa pay tuig nga bata.
43 anyos nga babaye patay human naligsan sa tulo ka mga dagkong sakyanan dihang nitabok sa kalsada sa Bangkal syudad sa Dabaw.
Mga nanan-aw og basketball tournament sa Tugbok kagabii nagrambol, usa nahapakan og bato sa ulo, nadala’g hospital.
Magtiayong negosyante gitulis sa Pantukan Comval apan ang tulisan nadakpan sa hot pursuit operation.
Batan-on nga nagsimhot-simhot og rugby gidakop sa polis, priso na sa San Pedro PNP.
Aroganteng driver nga misukol sa polis gipasakaa’g kaso sa Buhangin PNP.
Bunawan PNP gipahugtan ang seguridad aron walay makasulod nga mga dautang elemento pagsaulog sa Kadayawan Festival.
16 ka mga masinupakon sa anti smoking ordinance sa syudad gipangsikop sa San Pedro PNP.
Managsoon nag-away nisangko sa pagpanunggab, biktima nga taga-Tibungco nadala sa SMPC.
Para sa updated nga mga balita, paminaw sa DXDC RMN Davao at 621khz AM radio dial.
