Pagpatuman sa hugot nga cleanliness policy ang usa sa mga prayoridad sa bag-ong hepe sa Malaybalay City Police Station.
Nasayran nga kagahapon, gihimo ang Turn-over Ceremony and Assumption of Office sa bag-ong gibutang nga Officer in charge nga si PLTCOL RITCHIE ANOY SALVA sa Malaybalay City Police Station ug gipulihan niini si PLTCOL JERRY ATIDO TAMBIS.
Sa interview sa RMN DXMB Malaybalay ngadto kang Lt.Col. Salva, gibutyag niini nga usa iyang prayoridad isip hepe mao ang intensified cleanliness policy nga gilangkuban sa paglimpiyo sa ilang opisinaug palibot niini ug apil na ang mga PNP personnel ang malimpiyuhan gikan pagkalambigit sa illegal nga aktibidad sama sa illegal nga droga.
Dugang ni Col. Salva nga aduna usab silay paglimpiyo sa community nga mao ang pagmintinar sa kahapsay ug kalinaw sa komunidad, pagpatuman sa ubang mga special nga balaod sama sa kampanya batok sa illegal nga druga ug implementasyon sa search ug warrant of arrest.
