*Nagpadayon ang gihimong internal cleansing sa Cagayan de Oro City Police Office o COCPO pinaagi sa ilang gihimong drug testing.*
*Matud ni Police Chief Insp. Mardy Hortillosa, ang spokesperson sa COCPO nga gihimo sa tanang police station ang random drug testing apan nasubo siya nga usa sa ilang sakop sa Cugman Police Station ang nalambigit.*
*Mahinumdoman, nga nasikop sa gihimong buy bust operation sa Tagoloan Police Station niadtong Agusto ning tuiga ang 32 anyos nga si PO2 Arnold Amansor, kauban ang kaipon niini sa Tagoloan, Misamis Oriental. *
*Hinuon, gipahayag ni Chief Insp. Hortillosa nga kadto lamang gikareport ug gidudahang adunay kalambigitan sa ilegal nga druga ang ilang unang ipaubos sa drug test. *
*Tungod niini, nangita og paagi ang COCPO nga dili makapangandam ang maong mga pulis ug ila kining mapareport sa headquarters, ayha ipaubos sa drug test. *
*By : Kasamang Ellah Baculio*
