General Santos City–Gitapok sa organisasyong ICRC o International Committee Of The Red Cross ang mga kawani sa media sa SOCKSARGEN area aron usab nga ipailalom sa seminar kabahin na sa buluhaton sa maong grupo hilabi na pag-abot sa pag cover sa mga gyera.
Sumala pa ni Lanie Dela Cruz ang Senior Communication Officer sa ICRC nga gibuhat nila kini aron ma-edukar ang hut-ong sa media sa angayan nga buhaton ingon man mga terminology nga dapat isulat higayin mag cover sa usa ka armed conflict sa Mindanao o asa pang parte sa kalibutan.
Dugang pa niini nga pinaagi sa maong aktibidadis matudluan ang mga media practitioners sa ilahang katungod ug mga dili angayan nga buhtaon ug musulod sa usa ka gubot nga lugar nga adunay presensya sa mga armado aron nga dili mabutang sa alanganin ang ilahang kinabuhi.
Samtang mao na matud pa kini ang ikatulo nga higayon nga gipasi-ugda ang maong seminar sa mga media practitioner sa Pilipinas hilabi na sa gubot nga mga lugar. (Dave Silagan)
