SHOWBIZ – Gina-istoryahan tubtub subong ang maisog nga pag-ako sang singer na si Mark Bautista nga at some point sa iya kabuhi, nag-angkon ini sang “intimate” nga relasyon sa isa sa iya mga “male” ukon lalaki nga abyan.
Ini nga revelation ni Mark ang kabahin sang libro nga iya ginsulat nga may title, “Beyond the Mark”.
Sa isa sa mga chapter sang libro na may titulo nga Friendshift, diri kag ginbuyagyag sang singer ang iya gintawag ang “bromance” kon diin nangin close ini sa iya guy friend.
Suno kay Mark nga sang una, friends gid lamang ang ila pagkabig sa isa kag isa apang naglab-ot sa punto nga ini sila ang nangin “intimate” na.
Matapos sini, nagpangako sila sang iya friend, suno kay Mark nga indi na nila pagsuliton pa ang kon ano man ang natabo.
Apang, natabo ang indi dapat matabo bangud isa sadto ka gab-I, hubog sila nga pareho sang iya guy friend sa isa ka party gani ang ending, nagpauli si Mark upod ang amo nga lalaki.
Siling ni Mark, “I spent the night in his house and we became intimate.”
The following morning, nabuking sang girlfriend sang amo nga abyan ni Mark ang natabo kon diin ginasiling nga probably ini ang rason sang ila pagbulagay.
Suno kay Mark, naghipos siya sa malawig nga panahon kag gintago sa iya kaugalingon ang tanan nga hurt sa mga rumors nga madasig naglapta.
Ginpahayag ni Mark nga wala na niya nadepensahan ang iya kaugalingon sa pagkabalaka nga maglala pa ang sitwasyon kag agud nga hatagan man sang proteksyon ang iya nga “friend.”/ Facebook photos of Mark Bautista
