Investment scheme founder nga nakataban sang P3 bilyon, arestado!

Manila – Naarestar sang mga katapo sang Quezon City Police District (QCPD) ang founder sang One Dream Global, isa ka kompaniya nga ginapahayag pasimuno sang peke nga investment scheme.
Ginkilala ang suspek nga si Arnel Gacer, nga may warrant of arrest bangud sa kaso nga syndicated estafa. Maluwas kay Gacer, naaresto man ang duha sini ka bodyguard.
Tuig 2015 sang makasuhan sang syndicated estafa si Gacer matapos ireklamo sang iya 14 ka mga investor halin sa Lipa City.
Ginpangakuan sila ni Gacera nga ang P888 nila nga investment ang mangin P1,444 sa sulod lamang sang apat ka adlaw.
Sang ulihi na, naglab-ot na sa masobra 3,000 ang mga nangin investors sini apang ginpasara ang negosyo bangud sa kaso nga estafa.
Suno kay National Capital Region Police Office (NCRPO) director Brig. Gen. Vicente Danao, ginabanta nagalab-ot sa P3 bilyon ang nakulimbat ni Gacer halin sa mga biktima.
“This is a pyramiding scheme… Nag-invest ka P800,000 ang balik niya ay P1.4 million. Just imagine in a matter of one week, mababalik ang pera mo, more than half so just imagine gaano kalaki yan,” suno pa kay Danao.
Nahibaluan nga sang 2015 nagpanago ini kag nakakuha sang tip ang mga pulis nga nagtuhaw si Gacer sa Quezon City.