GIPAHIGAYON sa Kagamhanang Probinsyal sa Bukidnon ang Indigenous Peoples’ Leaders Meeting nga gitambongan sa tanang Indigenous Peoples Mandatory Representatives (IPMRs) sa mga lungsod, syudad og kabarangayan lakip na ang mga tribal chieftain og ancestral domain head claimants/representatives nga nag tangag sa temang “Addressing the Challenges on IP rights while celebrating the IP month” kagahapon sa Kaamulan Folk Arts Theater, Kaamulan Park, Malaybalay City.
Sa pasiunang mensahe ni provincial IPMR Richard D. Macas, iyang gipasabot nga ang maong panagtagbo kini alayon sa selebrasyon sa National Indigenous Peoples Month sa bulan sa Oktubre diin kini importante nga selebrasyon tungod sa balaud nga naghatag og katungod sa katawhang lumad o Indigenous Cultural Communities (ICC) pinaage sa IPRA Law o Indigenous Peoples Rights Act of 1997 (R.A. No. 8371).
Gawas niana, gidugang ni IPMR Macas nga kinahanglan ang panagtigum aron mahisgutan ang daghang pang problema sa katawhang lumad labina sa ilang yutang kabilin og usab sa peace and order nga naglambigit sa mga lumad.
Gisaad usab ni Governor Zubiri nga magdugang siya og pundo nga dyes (10) milyones ka pesos gikan sa kagamhanang probinsyal aron dugang pagagamiton sa pag proseso sa ancestral domain claim sa mga lumad. Lakip nga gihisgutan sa gobernador ang paghatag og livelihood program para kanila labina na sa pag panguma nga gilantaw nga mahaw-as sa kalisud sa matag pamilya.
Ang maong panagtigum gitambongan usab sa mga membro sa Sangguniang Panlalawigan Board Member Atty. Oliver Owen L. Garcia, BM Lorenzo L. Dinlayan Jr., PPSK President BM Princess Grace L. Gayon, NCIP Regional Director Atty. Pinky Grace Pareja, NCIP Provincial Officer Sherlyn Sario, PENRO Forester Virgilino P. Alima og mga representante gikan sa DAR og DILG Bukidnon.
