Giaghat sa mga eksperto ang publiko nga ipatan-aw ang ilang kidney dungan sa “National Kidney Month”.
Matud ni Dr. Russel Villanueva, usa ka nephrologist, kada tuig libo-libong Pilipino ang natala nga bag-ong kaso sa mga gakaigo sa sakit sa bato o kidney disease.
Matud pa, ang kidney disease usa sa mga nag-unang sakit nga hinungdan sa pagkamatay sa mga Pilipiino.
Gitawag usab nila kining “silent killer” kay gagawas lamang ang mga sintomas sa sakit kung kini grabe na.
Matud pa ni Villanueva, mas taas ang tsansang makaangkon sa sakit sa bato ang mga dunay diabetes o altapresyon lakip ang mga tawong naa sa lahi na ang maong sakit.
Lakip usab sa dunay taas nga risgo ang mga obese ug mahilig manigarilyo.
Tungod niini, maghimo og libreng kidney consultation ang National Kidney and Transplant Institute sa Hunyo 8, 22, ug 29 alang sa unang 100 ka pasyente nga makaabot.
